Եգիպտոսի կառավարությունը Իսրայելից պահանջում է դադարեցնել Երուսաղեմում և Հորդանան գետի Արևմտյան ափին հրեական բնակավայրերի շինարարությունը: Այս մասին հաղորդում է «Ալ-Ջազիրա»-ն:
Եգիպտոսի կառավարությունը դա բացատրում է կողմերի միջև խաղաղ բանակցությունների վրա շինարարության շարունակության բացասական անդրադարձով:
Ավելի վաղ Եգիպտոսի գերագույն իմամ Ահմեդ Ալ-Տայիբը հայտարարել էր, որ հրեական բնակավայրերի շինարարությունը պաղեստինյան օկուպացված տարածքներում հակասում է խաղաղ բանակցությունների ոգուն և մեծ սպառնալիք է ստեղծում խաղաղության ճանապարհին:
Պաղեստինա-իսրայելական խաղաղ բանակցությունները դադարեցվել են մոտ 2 տարի առաջ: Պաղեստինցիները հրաժարվում են վերսկսել դրանք, քանի դեռ Իսրայելը չի դադարեցրել շինարարությունը Արևելյան Երուսաղեմում և Հորդանան գետի Արևմտյան ափին:
Իսրայելն իր հերթին առաջարկում է վերսկսել բանակցություններն առանց նախապայմանների:
