Մինչև 30 տարեկանը ծխելը թողած կանայք իրենց կյանքից կորցնում են միայն մեկ ամիս, այն դեպքում, երբ տարիքով առավել մեծ ծխողները՝ առնվազն 10 տարի:
Ինչպես հաղորդում է BBC-ն, նման եզրակացության հետազոտողները եկել են 15 տարի տևած հետազոտության արդյունքում, որին մասնակցել է ավելի քան մեկ միլիոն մարդ: Հաղորդվում է, որ հետազոտությանը մասնակցել են միայն կանայք, քանի որ նրանք սկսել են ծխել համեմատաբար վերջերս՝ նախորդ դարի 50-60-ական թթ.:
«Ծխողները, որոնք վնասակար սովորությունը թողնում են նախքան միջին տարիքին հասնելը, պահպանում են իրենց կյանքից մինչև 10 տարի»,- ասել է հետազոտության ղեկավարներից Ռիչարդ Պետոն Օքսֆորդի համալսարանից:
Գիտնականը նշել է, որ հետազոտության արդյունքները ամենայն հավանականությամբ վերաբերում են նաև տղամարդ ծխողներին:
