ԱՄՆ-ում նոյեմբերի 6-ին կայանալիք համընդհանուր ընտրությունները կդառնան ռեկորդային՝ երկրի ղեկավարի պաշտոնի թեկնածուների թվով: Ըստ Ֆեդերալ նորարարական կոմիտեի տվյալների՝ Միթ Ռոմնիի և Բարաք Օբամայի հետ պայքարին մասնակցել կարող են ևս 25 մարդ: Հենց այդ քանակով անուններ են գրանցված տարբեր նահանգների քվեաթերթիկներում:
Նախապես հայտնի է, որ նախագահական ընտրություններում հաղթանակ տոնելու է կա՛մ Միթ Ռոմնին, կա՛մ էլ Բարաք Օբաման, նախընտրական քարոզարշավի մյուս մասնակիցները ոչինչ չունեն անելու: Միևնույն ժամանակ բազմաթիվ մրցակիցները կարող են Դեմոկրատական և Հանրապետական կուսակցություններից քիչ քանակությամբ ձայներ տանել, և դա «քաղաքական հսկաների» շտաբներում լուրջ անհանգստություն է առաջացնում: Համաձայն վերջին հարցումների՝ երկու թեկնածուներն էլ հավասար քանակությամբ ձայներ ունեն և չի բացառվում, որ հաղթողը վերջնակետին հասնի նվազագույն առավելությամբ:
Մասնագետների կարծիքով՝ «երրորդ կուսակցություններից» հիմնականում կարող է տուժել Ռոմնին: Լիբերտարիական և Սահմանադրական կուսակցությունների թեկնածուների ծրագիրը ինչ-որ չափով նման է Հանրապետական կուսակցության ծրագրին, որի հետևանքով նրանք կարող են որոշակի ձայներ գողանալ Ռոմնիից: Սոցհարցումները ցույց են տվել, որ նրանց օգտին որոշ նահանգներում պատրաստ է քվեարկել բնակչության 1%-ը:
