1996-1997 թթ. ՀՀ կառավարությունը և ՀԲ–ն ստորագրել են պայմանագիր, որի համաձայն 12 մլն դոլար է հատկացվել ձեռնարկություններին վերաբերող ծրագրի իրականացման համար: Ինչպես այսօր Աժ նիստում կառավարության հետ հարց ու պատասխանի ժամանակ հայտնեց էկոնոմիկայի նախարար Տիգրան Դավթյանը, ծրագիրը կոչվում էր «Ձեռնարկությունների զարգացման ծրագիր»: Դրա շրջանակներում նախատեսվում էր այդ գումարները բանկերի միջոցով ուղղել արդյունաբերական գործարաններին, այդ թվում՝ Գյումրիում:
«Այդ միջոցները ամբողջ ծավալով ստացվեցին, տեղաբաշխվեցին, վերադարձվելիության ծավալները բավարար չէին, սա հազվագյուտ դեպքերից է, երբ ՀԲ ծրագիրը վերադարձվելիության խնդիր է ունենում: Վերջին ժամկետը 2011-12 թ. է լրանում: Առաջին տրանշները պետք է ուղղվեին բանկերին, որոնք կատարելու էին ձեռնարկությունների ֆինանսավորում: 90-ականները մեր արդյունաբերության համար դժվար էր արդյունավետ համարել»,- ասաց Տ. Դավթյանը:
Նախարարի խոսքով՝ 80-90 % վերադարձելիությունն ապահովվում է, բայց պարտավորություններ դեռ կան, որ կառավարությունը կկատարի:
Պատգամավոր Սուքիաս Ավետիսյանն այդ վարկային միջոցներից Գյումրիում արվող հատկացումները համեմատեց սուտլիկ որսկանի պատմության հետ՝ «երկուսի մեջ ջուր չկա, մեկն էլ ըսկի…»:
