«Այո, ես էլ եմ ներկա եղել այդ խոսակցությանը: Քոքոբելյանն ասել է` այո, ինքն ընդհանրապես դուրս կգա քաղաքականությունից, եթե իր պարտավորությունները չկատարի»,- «Առավոտի» հետ զրույցում ասաց «Ժառանգություն» խմբակցության անդամ Զարուհի Փոստանջյանը` հաստատելով խմբակցության ղեկավար Ռուբիկ Հակոբյանի այն հայտարարությունը, որ Րաֆֆի Հովհաննիսյանի և Խաչատուր Քոբոբելյանի` մանդատներից հրաժարվելու մասին խոսակցությունը եղել է խմբակցության բոլոր անդամների ներկայությամբ:
«Եթե Րաֆֆի Հովհաննիսյանը մանդատից հրաժարվել է, ուրեմն ինքն առավել ևս պետք է այստեղ չլինի»,- ասաց թերթի զրուցակիցը:
