«Միտինգի տեղն ուրիշ է, Ազգային ժողովն` ուրիշ: Պետությանը չի կարելի ասել ավազակապետություն, պետությունը ժողովուրդն է: Այլ բան է, որ իշխանություններին վերագրեք: Իրոք, ես այդ ժամանակները տեսել եմ, տեսել եմ այն թալանը, որ այս երկիրը միանգամից ոչնչացրեց: Կարող եմ փաստերով խոսել»,- այսօր ԱԺ նիստում հայտարարեց ՀՀԿ խմբակցության ղեկավար Գալուստ Սահակյանը՝ հավելելով, որ Հանրային հեռուստառադիոընկերության 2010-2011թթ. գործունեության քննարկումների թեման հասարակությանը չի հետաքրքրում՝ ԱԺ օթյակում լրագրող չկա:
Գ. Սահակյանը նշեց, որ ՀՀԸ-ն ինքնակառավարվող մարմին է, հաշվետվություն չպետք է տա` ներկայացնում է հաղորդում: Մինչև 1996-97թթ., ըստ Գ. Սահակյանի, ՀՀԸ-ն կործանման եզրին էր, այդ փշրանքների վրա վերականգնվեց:
«Քննարկում եք սերիալների խնդիրը… Եղբա՛յր, սաղ օրը նստած սերիալ եք նայում, հիմա դուրներդ չի եկել, եկել քննարկում եք: Գոնե Դուք մի նայեք, լավ էլ նայում եք, ըստ երևույթին: Այդ սերիալներում հիմնական սվինները փորձ է արվում պատգամավորներին վերագրել, որոնց մի մասն էլ մեր ՀԱԿ-ն է կամ մյուս ընդդիմությունը:
Ի՞նչ է պատահել: Այս մասին խոսեք: Ժողովրդին տարիներ շարունակ դրեցիք, թունավորեցիք, ձեռնունայն ճանապարհ դրեցիք, եկել-խցկվել եք Ազգային ժողովում, հիմա նախագահ եք քննադատում, ՀՀԿ եք քննադատում:
Սա ի՞նչ մեթոդ է: Դուք պատկերացնո՞ւմ եք՝ ինչ եք անում, ինչո՞ւ եք թշնամություն սերմանում: Քաղաքական դաշտը մեկն է, ձեր դերակատարության չափով խոսեք»,- հայտարարեց Գ. Սահակյանը:
