Ժնևի կաթոլիկ տաճարներից մեկում շաբաթօրյա պատարագը ընդհատվել է բեյսբոլի գլխարկը գլխին թխահեր տղամարդու հայտնվելու պատճառով, ով շարժվել է դեպի գլխավոր խորանը: Պատարագին ներկա մոտ 100 հավատացյալները զարմացել են նրա հայտնվելուց:
Տղամարդը ստիպել է հավատացյալներից մեկին «Աստծո Որդին» խոսքի վրա ընդհատել Հովհաննեսի Ավետարանի ընթերցումը: Այնուհետև նա դիմել է հավատացյալներին. «Տիկնայք և պարոնայք, այն ամենն ինչ ձեզ պատմում են, սուտ է: Ինչպես մեզ Ղուրանն է ասում, Ալլահը ամուսնացած չի եղել և որդի չի ունեցել: Ալլահը հրամայում է կատարել իր օրենքները»:
Այդ տղամարդու ճառի ընթացքում հավատացյալներից և ոչ մեկը ձայն չի հանել, նույնիսկ հոգևոր հայրը, կարծելով, որ նրան զայրացնելով կարող է վտանգավոր իրավիճակ ստեղծել, լռել է: Իսկ տղամարդը ելույթից հետո ծխելն ավարտելով՝ դուրս է եկել տաճարից և հեռացել:
Հաջորդ օրը եկեղեցու հոգևոր հայրը դիմել է ոստիկանություն։ Թեև ոստիկանների համար այդքան էլ դժվար չէր հանցագործին հայտնաբերելը, այնուամենայնիվ, նրանք որոշել են չմիջամտել դեպքին:
Դրանից մեկ շաբաթ անց՝ անցած շաբաթ օրը տղամարդը նույն կերպ է վարվել՝ այս անգամ մտնելով Ժնևի մեկ այլ եկեղեցի։
