Հոկտեմբերի 20-ին, ժամը 20.17-ին տեղեկություն է ստացվել, որ Երևան – Մեղրի ավտոճանապարհի 104-րդ կմ-ում տեղի է ունեցել ճանապարհատրանսպորտային պատահար:
Դեռևս չբացահայտված հանգամանքներում բախվել են «Միթսուբիշի պաջերո» մակնիշի 17 օլ153 պետհամարանիշով (վարորդ` 1971թ. ծնված Հրահատ Առաքելյան) և «Օպել» մակնիշի 14 օտ 570 պետհամարանիշով (վարորդ՝ 1990թ. ծնված Անդրանիկ Եղյան) ավտոմեքենաները, ինչի հետևանքով Ա. Եղյանը տարբեր մարմնական վնասվածքներով տեղափոխվել է Եղեգնաձոր քաղաքի բժշկական կենտրոն:
ԱԻՆ լրատվական ծառայությունից «Առաջին լրատվական»-ին հայտնում են, որ բժիշկները տուժածի առողջական վիճակը գնահատել են բավարար:
