Լիբանանյան քաղաքական գործիչները, ովքեր ելույթ են ունենում Ասադի ռեժիմի դեմ, Դամասկոսին մեղադրել են Բեյրութում տեղի ունեցած պայթյունի համար, որի հետևանքով երեկ զոհվել է Լիբանանի բարձրաստիճան պաշտոնյա Վիսամ Ալ-Հասանը:
Սիրիական իշխանությունների հասցեին հնչած մեղադրանքներով ելույթ են ունեցել դրուզների տեղի համայնքի ղեկավար Վալիդ Ջումբլաթը և ընդդիմադիր առաջնորդ, Լիբանանի նախկին վարչապետ Սաադ Հարիրին, ում հոր սպանության հետաքննությամբ զբաղվում էր զոհված գեներալ ալ-Հասանը: Հարիրիի կողմնակիցները այսօր Բեյրութում բողոքի ակցիաներ են կազմակերպել: Ընդդիմադիրները պատասխանատվության են հրավիրում լիբանանյան իշխանություններին, որի կազմի մեջ են մտնում Ասադին աջակցող «Հըզբոլահ» խմբավորման անդամներ:
Երեկվա պայթյունի հետևանքով զոհվել էր 8 մարդ, իսկ գրեթե 80-ը վիրավոր են:
