Առնվազն 44 մարդ է սպանվել սիրիական ռազմաօդային ուժերի կողմից Մաարեթ Ալ-Նուման քաղաքը ռմբակոծելու հետևանքով։ Ինչպես հաղորդում է Agence France-Presse-ը, քաղաքը գտնվում է ապստամբների վերահսկողության տակ:
Հրթիռային ռմբակոծման հետևանքով հոկտեմբերի 18-ին ամբողջությամբ քանդվել են երկու բնակելի տներ և մզկիթ, որոնց ներսում խաղաղ բնակիչներ են եղել: Փլատակների մաքրումը շարունակվում է, այդ պատճառով զոհերի թիվը կարող է աճել: Տեղում աշխատում են փրկարարներ, բուժաշխատողներ, կամավորներ:
Աշխատողների խոսքերով` քանդված տներում և մզկիթում թաքնվում էին քիչ թվով խաղաղ բնակիչներ: Փլատակների տակից շարունակում են հանել երեխաների մարմիններ:
