Новости-Грузия-ի փոխանցմամբ՝ Հարավային Կովկասում ու Կենտրոնական Ասիայում ՆԱՏՕ-ի հատուկ ներկայացուցիչ Ջեյմս Ափաթուրայը Վրաստանի արտգործնախարար Գրիգոլ Վաշաձեի հետ համատեղ մամլո ասուլիսի ժամանակ հայտարարել է, որ ՆԱՏՕ-ն պետք է լավ հարաբերություններ ունենա թե՛ Վրաստանի, թե՛ Ռուսաստանի հետ.
«Վրաստանի ու Ռուսաստանի, ՆԱՏՕ-ի ու Ռուսաստանի հարաբերությունները բարդ հարց են: Մեզ համար ՆԱՏՕ-ում գխավորն այն է, որ մենք մշտապես ունեցել ենք հետևյալ դիրքորոշումը. պետք է լավ հարաբերություններ լինեն ՆԱՏՕ-ի ու Վրաստանի, ինչպես նաև ՆԱՏՕ-ի ու Ռուսաստանի միջև: Մենք վստահ ենք, որ պետք է երկու ուղղությամբ էլ ունենալ լավ հարաբերություններ:
Պետք է նաև հաշվի առնել այն, որ Վրաստանի նոր կառավարությունը շեշտը դնում է Ռուսաստանի հետ հարաբերությունների բարելավման վրա: Ինչ վերաբերում է ՆԱՏՕ-ի հետագա ընդլայնմանը, ապա Դաշինքի համար որպես ելակետ է ծառայում այն, որ այդ մասին որոշում ընդունում են նրա անդամները: Բուխարեստի գագաթնաժողովում որոշվել է, որ Վրաստանը դառնալու է ՆԱՏՕ-ի անդամ, և դրանից հետո որևէ գագաթնաժողովում դա կասկածի տակ չի դրվել»: