Բելգիացի կինոդերասան և մարտարվեստի վարպետ Ժան-Կլոդ Կամիլ Ֆրանսուա վան Վարենբերգը ծնվել է 1960թ. հոկտեմբերի 18-ին: Նա հայտնի է առավելապես իր էքշըն ժանրի մարտաֆիլմերով, որոնցից առավել հաջողվածներն են «Արյունալի սպորտը» (1988թ.),«Քիք բռնցքամարտիկը» (1989թ.), «Կրկնակի հարվածը»(1991թ.), «Ունիվերսալ զինվորը» (1992թ.), «Դժվար թիրախը» (1993թ.), «Ժամանակի ոստիկանը» (1994թ.) և «ԺԿՎԴ»-ն (2008թ.):
Դերասանը մարտարվեստով սկսել է զբաղվել 10 տարեկանում, զբաղվել է քիք բոքսինգով, շոտոկանով, թայ բոքսով և թեքվանդոյով, արժանացել է «Միստր Բելգիա» բոդիբիլդինգի տիտղոսին: 16 տարեկանում սկսել է զբաղվել բալետով, որը շարունակել է 5 տարի:
1979թ. Վան Դամը դառնում է կարատեի Եվրոպայի չեմպիոն: 1983թ. ուժերը փորձում է որպես դերասան: 1992թ. լույս է տեսնում նրա մասնակցությանբ «Ունիվերսալ զինվորը» ֆիլմը, որը Վան Դամին բերում է ճանաչում:
1 տարի անց նկարահանվում է «Դժվարին թիրախ» ֆիլմում, իսկ 1994-ին՝ «Ժամանակի պարեկը» ֆիլմում: Նկարահանվել է 50-ից ավելի ֆիլմերում:
Մի շարք ֆիլմերում նա հանդես է գալիս ոչ միայն որպես դերասան, այլև որպես ռեժիսոր ու պրոդյուսեր:
Ներկայում նա շարունակում է նկարահանվել ֆիլմերում, մասնակցել հեռուստատեսային տարբեր նախագծերի:
Վան Դամն ամուսնացած եղել է 5 անգամ, ընդ որում` բոդիբիլդեր Գլեդիս Փորթյուգեսի հետ 2 անգամ: Նա երեք երեխաների հայր է:
