Silk Wind նախագծի շրջանակներում Ադրբեջանը, Ղազախստանը, Վրաստանը և Թուրքիան երկու փաստաթուղթ կստորեգրեն։ Այս մասին Trend գործակալությանը հաղորդել է TRACECA-ի՝ Ադրբեջանի ազգային քարտուղար Ակիֆ Մուստաֆաևը:
Silk Wind նախագծի նպատակը մուլտիմոդալ տրանսպորտի ճեպընթաց գնացքի երթուղու ստեղծումն է` տեղեկության նախնական փոխանակման կատարելագործված համակարգով` Եվրոպա-Կովկաս-Ասիա միջանցքով բեռների հոսք ներգրավելու համար:
Մուստաֆաևի խոսքերով՝ առաջին փաստաթուղթը 4 երկրների տրանսպորտի նախարարների միջև փոխըմբռնման մասին հուշագիր է, իսկ երկրորդը` մուլտիմոդալ փոխադրման զարգացման մասին համաձայնագիր:
Ներկա պահին այդ փաստթաթղի վրա աշխատանքներ են տարվում, մասնավորապես՝ ներպետական համաձայնեցման գործընթաց է տեղի ունենում:
«Silk Wind նախագիծը, փաստորեն, այժմ ստեղծվող Բաքու-Թբիլիսի-Կարս երկաթգծի լրացումն է»,- նշել է Մուստաֆաևը:
TRACECA-ն ԵՄ-ի և Արևելյան Եվրոպայում, Հարավային Կովկասում ու Կենտրոնական Ասիայում նրա գործընկեր-երկրների միջև տրանսպորտի բնագավառում համագործակցության միջազգային ծրագիր է: Կազմակերպությունը Բաքվում ունի մշտական ներկայացուցչություն:
Ներկա պահին TRACECA-ի մասնակից-պետություններն են Ադրբեջանը, Բուլղարիան, Վրաստանը, Ղազախստանը, Ղրղզստանը, Հայաստանը, Մոլդովան, Ռումինիան, Ռաջիկստանը, Թուրքմենստանը, Թուրքիան, Ուկրաինան, Իրանը:
