Աթենքում գնչուհին, վրեժխնդրությունից դրդված, կրակել է մեղադրյալների վրա, որի հետևանքով մեկ երիտասարդ մահացել է, իսկ երկրորդի ոտքը վիրավորվել է: Ինչպես պարզվել է, վրեժի պատճառ է հանդիսացել երկու ընտանիքների միջև պատերազմը, որը սկսվել էր մի երեխայի պատահական մահից հետո:
Գնչուհին հայտարարել է, որ կրակել է վրեժից դրդված: Այս արտակարգ դեպքը տեղի է ունեցել հունական Էվելպիդոն քաղաքային դատարանում: Կինը կրակել է ութ անգամ: Ոստիկանները միանգամից ձերբակալել են կնոջը:
Ինչպես ավելի ուշ պարզվել է լրագրողների կողմից, այդ գնչուական ընտանիքների միջև պատերազմը սկսվել էր այն ժամանակ, երբ 14- ամյա պատանին իր ընկերոջ հետ ծնողների լիցքավորված զենքով խաղալիս, պատահաբար զոհվել էր:
Այս ընտանիքների անդամները երկար ժամանակ պատերազմում էին միմյանց դեմ, որի արդյունքում մեկ ուրիշ երիտասարդ էլ է զոհվել: Նրան սպանողները ձերբակալվել էին: Քննիչի մոտ ցուցմունքներ տալու նպատակով նրանց բերել էին դատարանի շենք, և հենց այդտեղ էլ կինը, որն իր հետ բերել էր սրբիչի մեջ փաթաթված հրազեն, կրակ է բացել:
Այս պահին ոստիկանությունը փորձում է կանխարգելել վրեժի նոր դրսևորումները երկու գնչուական ընտանիքների միջև:
