Բրիտանական կառավարության պաշտոնաթող խորհրդական Դեւիդ Նաթը մի խումբ գործընկերների հետ հրապարակել է մի ուսումնասիրություն, որի համաձայն՝ ալկոհոլն ավելի վտանգավոր է հասարակության համար, քան թմրանյութերը:
Այս մասին հայտնում է The Guardian-ը: Հետազոտության ընթացքում կազմվել է մի սանդղակ, ուր գնահատման համար ներառված են մարդու օրգանիզմի համար թմրանյութի ազդեցության հետեւանքով առաջացող 9 վտանգները եւ 7 վտանգներ, որոնք առաջանում են նույն թմրանյութերի պատճառով հասարակության համար: Արդյունքում հետազոտությունը ցույց է տվել, որ 100-բալանոց սանդղակով ամենավնասաբեր թմրանյութ է համարվել ալկոհոլը (76 բալ): Ավելի ցածր են մետամֆիտամը (33 բալ), կոկայինը (27 բալ) եւ ծխախոտը (26 բալ): Հետազոտության մեջ նշվում է, որ ժամանակակից օրենսդրությունը հաշվի չի առնում այս կամ այն թմրանյութի իրական վնասը: Հետազոտությունը թույլ կտա որոշակի փոփոխություններ մտցնել` թմրանյութերի դեմ պայքարն ավելի արդյունավետ դարձնելու համար: