Honda-ի վաճառած հիբրիդային ավտոմեքենաների ընդհանուր թիվը հասել է մեկ միլիոնի: Ռեկորդը սահմանվել է անցած ամիս: «Կանաչ» մեքենաների վաճառքն ընկերությունը սկսել է գրեթե 13 տարի առաջ:
Ընկերության առաջին հիբրիդային մոդելը 1999 թվականին թողարկված Insight–ն էր, որի ծախսը կազմում էր 1լ/100կմ: 2012 թվականի մայիսին Honda-ն սկսեց մեքենաներ արտադրել նաև Ճապոնիայից դուրս: Մասնավորապես, Acura ILX–ն այժմ արտադրվում է ԱՄՆ-ում, Honda Jazz Hybrid–ը հոկտեմբերից կարտադրվի Մալայզիայում, ինչը կօգնի օպերատիվ կերպով կազմակերպել ավտոմեքենաների վաճառքն ասիական երկրներում, որտեղ մեծանում է դրանց պահանջարկը:
Ներկա պահին հիբրիդային IMA (IntegratedMotorAssist) համակարգը հանդիպում է Honda-ի ութ մոդելների վրա: Մոտ ժամանակներս ճապոնացիները կներկայացնեն հիբրիդի նոր տեսակ, որը նախատեսված է միջին չափի ավտոմեքենաների համար: Հետագայում Sport Hybrid SH-AWD համակարգը կգործարկվի նաև NSX և Acura RLX Sport Hybrid մոդելների վրա: