Եվրամիության արտաքին քաղաքականության և անվտանգության հարցերով հատուկ հանձնակատար Քեթրին Էշթոնը հայտարարել է, որ ԵՄ-ը հավանություն է տվել Սիրիայի հարցերով ՄԱԿ-ի և Արաբական պետությունների լիգայի հատուկ բանագնաց Լախդար Բրահիմիի նոր ծրագրին, և հույս ունի, որ այն աջակցություն կստանա նաև Ռուսաստանի կողմից:
«Ես հույս ունեմ, որ ռուսները կաշխատեն, որպեսզի պարոն Բրահիմիի ջանքերը Սիրիայում կրակը դադարեցնելու ուղղությամբ բարեհաջող ընթանան»,- ասել է Էշթոնը Լյուքսեմբուրգում ԵՄ 27 երկրների արտգործնախարարների հանդիպումից առաջ:
Արևմտյան ԶԼՄ-ների փոխանցմամաբ՝ Բրահիմիի ծրագիրը նախատեսում է Սիրիա մտցնել ՄԱԿ-ի խաղաղապահների: Ենթադրվում է, որ կոնտինգենտի կազմում կլինեն խաղաղապահներ Ֆրանսիայից, Գերմանիայից, Իսպանիայից, Իտալիայից և Իռլանդիայից: Սիրիայում խաղաղապահները պետք է իրականացնեն նույն գործառույթները, ինչ նրանք իրականացնում էին Լիբանանում՝ հսկողություն իրականացնելով իսրայելա-լիբանանյան սահմանին:
ԵՄ հանձնակատարը շատ արդյունավետ է համարել կիրակի Լյուքսեմբուրգում տեղի ունեցած հանդիպումը Ռուսաստանի արտգործնախարար Սերգեյ Լավրովի հետ,որի ընթացքում կողմերը քննարկել են Ռուսաստանի և ԵՄ-ի միջև համագործակցության զարգացման, առանց այցագրի ռեժիմի հաստատաման հարցեր, ինչպես նաև ակտուալ միջազգային խնդիրներ, այդ թվում՝ Սիրիայում տիրող իրավիճակը:
