ԱԺ պատգամավոր, Լոռու թիվ 31 ընտրատարածքից ընտրված Կարեն Սարիբեկյանն իր «առատաձեռնությամբ» այս մարտի 8-ին զարմացրեց բոլորին: Ինչպես տեղեկանում ենք լրագրող Մարիաննա Պեպանյանի http://pepanyanmar.wordpress.com բլոգից, ի տարբերություն նախորդ տարիների, երբ պատգամավորը մեկական վարդ էր նվիրում, այս տարի երկուական շամպուն ու մեկ դեզոդորանտ է նվիրել:
Ալավերդիում, օրինակ, հասկանում են պատգամավորի կողմից «ավանդույթ» խախտելը` 500 դրամի փոխարեն ծախսել է 2500-3000 դրամ: Նախ ԱԺ-ի ընտրություններն են մոտենում, ու հետո էլ, ասում են, որ պատգամավորը «հոտավետ ու մաքրող» օճառային պարագաների ներկրմամբ է զբաղվում:
Ավելին, մտածում են, որ չիրացված ու իր վրա մնացած ապրանքներն է նվիրել:
Հետաքրքիրն է այն, որ պատգամավորը մի ուսումնական հաստատություն մոռացել է: «Առաջին լրատվականի» տվյալներով, պատգամավորը նվերներ չի տվել Եվրոպական տարածաշրջանային կրթական ակադեմիայի Ալավերդու քոլեջին։
Գաղտնիք չէ, որ ակադմեիան ՕԵԿ առաջնորդ Արթուր Բաղդասարյանինն է։ Ալավերդու եվրոպական քոլեջի տնօրենը ՕԵԿ է, աշխատողների մեծ մասն էլ են ՕԵԿ-ական։ ԱԺ պատգամավորը նույնիսկ կոալիցիոն հուշագիրը հաշվի չառավ։