Երկուշաբթի օրը Փարիզում կսկսվի երկրի նախկին նախագահ Ժակ Շիրակի դեմ սկսված դատավարությունը: Նրան մեղադրում են պետական միջոցների մսխման և պաշտոնական դիրքի չարաշահման մեջ: Դատախազությունը պարզել է, որ 1990-ականներին, երբ Ժակ Շիրակը զբաղեցրել է Փարիզի քաղաքապետի պաշտոնը, ստեղծել է ձևական աշխատատեղեր, որոնք նախատեսված են եղել իշխող «Միավորում՝ հաջակցություն հանրապետության» կուսակցության ֆինանսավորումը պետական բյուջեի հաշվին իրականացնելու համար:
Եթե ժակ Շիրակի մեղքը հաստատվի, ապա նրան սպառնում է մինչև 10 տարի ազատազրկում և 150 հազար եվրոյի տուգանք: Պաշտպանները կարծում են, որ Շիրակը կարդարացվի: Բանն այն է, որ Փարիզի քաղաքապետարանը հետ է վերցրել բոլոր հայցերն այն բանից հետո, երբ իշխող «Միություն հանուն ժողովրդական շարժման» կուսակցությունը հաստատել է, որ վերադարձնելու է ձևական աշխատատեղերի համար հատկացված գումարները: Այս մասին հաղորդում է Russia 24 հեռուստաալիքը:
