Ճապոնիայի արտաքին գործերի նախարար Սեյձի Մաեհարան հրաժարական է տվել, որն ընդունվել է Ճապոնիայի կառավարության կողմից: Իր հրաժարականի մասին Մաեհարան հայտարարել է մարտի 6-ին՝ մամուլի ասուլիսի ժամանակ: Նախարարի պաշտոնակատար է նշանակվել Յուլիո Էդանոն, որը Ճապոնիայի կառավարության գլխավոր քարտուղարն է:
Նրա հրաժարականի համար պատճառ է հանդիսացել այն սկանդալը, որը կապված է Մաեհարայի կողմից գլխավորվող հիմնադրամի հետ։ Պարզվել է, որ այդ հիմնադրամը բարեգործական հանգանակություններ է ստացել օտարերկրյա քաղաքացուց, ինչն արգելված է Ճապոնիայի օրենքով: Նախկին արտգործնախարարը հայտնել է, որ մի քանի տարի շարունակ 72-ամյա կորեացուց ստացել է հանգանակություններ (մոտ 3 հազար դոլար): Չնայած այն փաստին, որ այդ կինը երկար տարիներ ապրել է Ճապոնիայում, սակայն հանգանակություններ անելիս նա եղել է այլ երկրի քաղաքացի:
Սեյձի Մաեհարայի հրաժարականը կարող է կապված լինել նաև Կուրիլյան կղզիների շուրջ Ռուսաստանի և Ճապոնիայի միջև վերջին շրջանի լարվածության հետ: Այս քայլով Ճապոնիայաի կառավարությունը, հավանաբար, փորձում է մեղմել լարվածությունը` բանակցություններին այլ որակ հաղորդելու համար: