Շաբաթ օրը Ռուսաստանի Սոչի քաղաքում կայացած Հայաստանի, Ռուսաստանի ու Ադրբեջանի նախագահների հանդիպումից հետո, հակամարտող երկրների նախագահները առանձին հանդիպել են նաև Մինսկի խմբի համանախագահներ Ռոբերտ Բրադտկեի, Իգոր Պոպովի ու Բեռնար Ֆասյեի հետ,- հաղորդում է Trend-ը: Հանդիպմանը ներկա է եղել ԵԱՀԿ գործող նախագահի անձնական ներկայացուցիչը Անջեյ Կասպշիկը:
Համանախագահների` Սերժ Սարգսյանի հետ հանդիպմանը ներկա է եղել նաև Էդվարդ Նալբանդյանը: Բանակցությունների մասին մանրամասներ հայտնի չեն:
Նույն օրը համանախագահների հետ հանդիպում է ունեցել նաև ՌԴ արտգործնախարար Սերգեյ Լավրովը: Քննարկվել են Մինսկի խմբի շրջանակներում միջնորդական առաքելության հետագա համակարգմանը վերաբերող խնդիրներ: