Մինչ օրս Սամվել Ալեքսանյանն էր հայ սպառողների գրպանին նեղություն տալիս, հիմա էլ հայ սպառողներն են նրա գրպանին նեղություն տալիս։
Խնդիրն այն է, որ հայ սպառողների գնողունակությունը գների թանկացման և հնարավորության սղության պատճառով կտրուկ նվազել է։ Բայց Սամվել Ալեքսանյանը, գործի դնելով իր խորամանկությունը, փորձում է հարվածի տակ դնել ոչ թե իր, այլ աշխատակիցների գրպանի պարունակությունը, ինչի արդյունքում «Սիթի» սուպերմարկետների ցանցում աշխատակիցների կրճատումից հետո, հիմա էլ աշխատավարձերի լուրջ կրճատումներ են սկսել։
Օրինակ` եթե դրամարկղի աշխատակիցը նախկինում ստանում էր 100 հազար դրամ, ապա այսօր արդեն ստանում է 80 հազար։ Ընդվզող աշխատակիցներին պատճառաբանում են, որ սպառողների գնողունակությունը կտրուկ նվազել է, հետևաբար աշխատավարձերն էլ են պակասել։ Մինչդեռ աշխատակիցները աշխատանքի ընդունվելիս պայմանագիր չեն կնքել, որ իրենք գործարքային պարտավորություներ են ստանձնում, և իրենց աշխատավարձը գոյանալու է սպառողների գնողունակությունից։
Ինչևէ, աշխատակիցներին ասում են, որ ներկա պայմանները սրանք են, եթե ուզում եք` շարունակեք աշխատել, իսկ եթե ոչ, այդ տեղերում աշխատելու ցանկություն հայտնողները շատ են։