Ընդհանուր առմամբ, 2010թ. հանրապետությունում օտարվել են 15,576 միավոր (8943.11 հա) հող, որից Երևանում` 824 միավոր (102.37 հա): Այս մասին ասվում է Կադաստրի պետական կոմիտեի հրապարակման մեջ:
Հանրապետությունում 2010թ. հողերի առուվաճառքի գործարքների քանակը, 2009թ. համեմատ, աճել է 4.1%-ով:
Ընդ որում, գյուղատնտեսական նշանակության հողերի նկատմամբ առուվաճառքի գործարքների քանակն աճել է 4.8%-ով, բնակավայրերի հողերի նկատմամբ` 4.2%-ով, արդյունաբերական օբյեկտների հողերի նկատմամբ` 7.9%-ով:
Հողերի առուվաճառքի առավել մեծ ծավալներն արձանագրվել են Արմավիրի մարզում՝ 2606.73 հա, որից 2524.87 հա-ն գյուղատնտեսական նշանակության են: