«Առաջին լրատվական»-ի տրամադրության տակ հայտնվել է մի փաստաթուղթ, որը վկայում է, որ «Բարգավաճ Հայաստան» կուսակցության առաջնորդ Գագիկ Ծառուկյանը 80-ական թվականներին ազատազրկվել է բռնաբարության համար և իր պատիժը կրել Ռուսաստանի Նիժնի տագիլ քաղաքի միլիցիոներների համար նախատեսված քրեակատարողական հիմնարկում:
Հայտնի է, որ Գագիկ Ծառուկյանը աշխատել է Պարեկապահակային ծառայությունում, ուստի իր պատիժը կրել է հատուկ իրավապահների համար նախատեսված կալանավայրում և լավ վարքի համար վաղաժամկետ ազատ է արձակվել:
Ավելի ուշագրավն այն է, որ նշյալ փաստաթղթից տեղեկանում ենք, որ Ռոբերտ Քոչարյանի նախագահության ամենափթթուն շրջանում, մեղքն ընդունած Գագիկ Ծառուկյանը 80-ական թվականներին գործած բռնաբարության համար արդարացվել է Հայաստանի գերագույն դատարանի կողմից: Ի դեպ, Գագիկ Ծառուկյանի գործած արարքը դատական կարգով արդարացնելու միջնորդությունը կատարվել է այսօր ընդդիմության շարքերում կարկառուն ներկայացուցչի կողմից, որի անունը ևս նպատակահարմար չենք գտնում այժմ հրապարակել:
