Սիրիայի նշանակությամբ երկրորդ՝ Հալեպ քաղաքում երկու պայթյուն է որոտացել, ինչի հետևանքով կան վիրավորներ, որոնց թիվը չի հստակեցվում:
Ինչպես տեղեկացնում է սիրիական «Ալ-Ախբարիյա» հեռուստաալիքը՝ պայթուցիկներով լցված երկու ավտոմեքենաները պայթել են Սաադալլա ալ-Ջաբիրի հրապարակում : Այլ ԶԼՄ-ներ հաղորդում են երեք պայթյունի մասին:
Սիրիական բանակը վերահսկում է քաղաքի մեծ մասը, սակայն կանոնավոր ուժերին ոչ միշտ է հաջողվում կասեցնել գրոհայինների հարձակումները: Российская газета-ի տեղեկություններով՝ նախագահ Բաշար Ասադը երեկ հրամայել է քաղաք մտցնել հավելյալ ուժեր՝ 30 հազար զինվորական և 2000 միավոր զրահատեխնիկա: Դա կարող է նշանակել, որ իշխանությունները որոշել են գրոհայիններից այդ շրջանի վերջնական մաքրման փորձ նախաձեռնել:
