Իսրայելական Zman լրատվական գործակալության փոխանցմամբ՝ Պակիստանում Ադրբեջանի դեսպան Դաշգին Շիկարովն այսօր առավոտյան պակիստանյան ԶԼՄ-ներին տված հարցազրույցի ժամանակ հայտարարել է, որ իր երկիրն Իսրայելին կամ մեկ այլ երկրի թույլ չի տա օգտվել իր ռազմաբազաներից՝ Իրանի վրա հարձակվելու համար.
«Ոչ ոք երբեք թույլ չի տա այդպիսի բան՝ հատկապես, եթե հաշվի ենք առնում այն փաստը, որ Իրանի բնակչության մեծ մասը բաղկացած է ադրբեջանցիներից: Բացի այդ, Ադրբեջանը հավատարիմ է օտար հակամարտություններին չմիջամտելու իր քաղաքականությանը»:
Երեկ արևմտյան մի շարք ԶԼՄ-ներ գրել էին, որ Ադրբեջանն ու Իսրայելը բանակցել են Իսրայելի կողմից ադրբեջանական ավիաբազաների օգտագործման շուրջ՝ Իրանի դեմ բազմափուլ ռազմական օպերացիայի շրջանակներում:
