Այսօր «ԱՅԲ» ավագ դպրոցում տեղի է ունեցել CityBugs.am կայքի շնորհանդեսը: Կայքը Երևանի խնդիրները բարձրաձայնելու սոցիալական հարթակ է, որը կայքի օգտատերերին հնարավորություն է ընձեռում հայտնելու, թե ինչ է կատարվում մայրաքաղաքի այս կամ այն հատվածում: Կայքը նախատեսված է ոչ միայն բողոքների, այլ նաև առաջարկներ համար:
«X-TECH» հիմնադիր տնօրեն Արման Աթոյանը քարտեզի ինտեգրացիան շատ կարևոր է համարում: Նրա խոսքով՝ շատ կարևոր է այնպես անել, որ այն չլինի միայն Երևանի համար, հետագայում կներգրավվեն մարզերը: Նրա խոսքով՝ Facebook-ում հաճախ կարելի է տեղադրված տեսնել այդպիսի խնդիրների մասին տեղեկություններ, որոնք մարդկանց բնակավայրին են մոտ.«Մենք ամենամեծ շեշտը դրել ենք քարտեզի ինետգրացիայի վրա, այն հարմարեցրել ենք այնպես, որ միայն չլինի Երևանի համար, հետագայում կընդգրկվեն նաև մարզերը»,- ասել է նա՝ հավելելով, որ հետագայում կայքում կավելանան լեզուները, այս պահին կայքի լեզուն միայն հայերենն է:
«Հետևել ենք, մոնիտորինգ ենք արել, որ եթե խնդիրը սոցցանցում է գտնվում, այն լուծում ստանում է: Սա խնդիրները լուծելու յուրօրինակ հարթակ է, և կայքը որպես առանձին միավոր ունակ է աշխատելու»,- ասել է Արման Աթոյանը:
