Ռուսաստանի ԱԳՆ ղեկավար Սերգեյ Լավրովը ուրբաթ օրը ՄԱԿ-ի ամբիոնից միջոցներ է առաջարկել Սիրիայում արդեն մեկ տարուց ավելի շարունակվող հակամարտությունը դադարեցնելու համար:
«Ճգնաժամը հաղթահարելու գործնական քայլերը պետք է սկսել կրակը համընդհանուր դադարեցնելուց, գերիներին ազատ արձակելուց, հավելյալ մարդասիրական օգնության մատակարարումից»,- ասել է նախարարը, ով ՄԱԿ-ի Գլխավոր ասամբլեայում գլխավորում է ռուսական պատվիրակությունը:
Նրա խոսքերով՝ այդ քայլերը պայմաններ կստեղծեն միջսիրիական երկխոսությունը հարթելու համար: Ինչպես նշել է Լավրովը, հակամարտության կողմերը բանակցության սեղանի մոտ պետք է «բարեփոխումների թեմաների և բովանդակության առնչությամբ կոմպրոմիս մշակեն, որը կբավարարի բոլոր սիրիացիներին և կապահովի բոլոր էթնիկ և կրոնական խմբերի անվտանգությունն ու իրավունքը»:
Նախարարի խոսքերով՝ Ռուսաստանում հույս ունեն, որ «ՄԱԿ-ի և ԱՊԼ հատուկ ներկայացուցիչ Լահդար Բրահիմիի փորձը կօգնի համաձայնեցնել նման պայմանավորվածությունները`միջազգային հանրության աջակցությամբ»:
Լավրովը հայտնել է նաև, որ «Ռուսաստանը ամեն կերպ կնպաստի առաքելության հաջողությանը»:
