Լատվիայում հնարավոր է` անշարժ գույքի, բիզնեսի կամ բանկում ներդրումների փոխարեն ստանալ կեցության իրավունք, սակայն ոչ բոլորն են ստանում երկրում բնակվելու օրինական թույլտվություն:
Բալթյան երկրներում մի շարք կասկածելի գործարքների ու հանդիպումների ետևում կանգնած է եղել Էստոնիայի անվտանգության ոստիկանության սպա Ինդրեկ Պոդերը:
Անցած տարի Էստոնիայում նրան կալանավորել էին և դատապարտել 4 տարվա ազատազրկման` հանցավոր խմբի հետ համագործակցելու համար:
Էստոնացի սպան, դատելով գործի նյութերից, հաճախ է իր գործարքները կնքել Լատվիայում: Նա պարբերաբար գնացել է այնտեղ, հանդիպումներ կազմակերպել, հիմնականում` Վյաչեսլավ Շեստակովի հետ, որը հայտնի է Սլիվա անունով: Այս մասին հաղորդում է Kriminal.lv-ն:
Շեստավովը օրենքով գող է, որն ունի իրավունք՝ լուծելու ծագած խնդիրները:
Նա համարվում է Ասլան Ուսոյանի՝ Դեդ Հասանի կապավորը, որին ԶԼՄ-ները համարում են Ռուսաստանում խոշորագույն հանցավոր խմբավորման ղեկավար:
Պոդերը դատարանում պատմել է Լատվիա ուղևորությունների մասին: Նրա խոսքով՝ Սլիվայի հետ հանդիպումներում քննարկվել են հանցագործների պլաններն ու հարթվել են վեճեր:
Այս հանդիպումներին մասնակցել է նաև ինչ-որ լատվիացի ոստիկան` Վադիմ անունով, և դատախազության աշխատակից Ուլդիսը:
Ներկայում Գլխավոր դատախազությունը պնդում է, որ այդ գործի մասին ոչինչ հայտնի չէ: Լռում է անվտանգության ոստիկանությունը:
Հաղորդվում էր միայն, որ «Պոդերի գործով» բոլոր նյութերը փոխանցվել են էստոնական կողմին:
Բիզնեսում ներդրվել է կեցության հայտ ներկայացնող 259 հայցվոր, սակայն նրանք նախընտրել են ներդրումներ կատարել ոչ թե արտադրության մեջ, այլ ընկերություններում, որոնք կապված են եղել միջնորդական ծառայությունների հետ ֆինանսական գործարքների ժամանակ: Բանկից պահանջվող 200 հազար լատի չափով ներդրում է կատարել 101 մարդ:
Անշարժ գույք է գնել 2017 արտասահմանցի՝ ծախսելով 125 մլն լատ:
Կեցություն ստացած անձանց մեծ մասն այդտեղ չի բնակվում: Մշտապես Լատվիայում է գտնվում միայն նրանց 15 տոկոսը:
Օրենքով գող Սլիվան բնակություն է հաստատել Յուրմալայում: Նա կեցության իրավունք է ստացել Լատվիայում, ապրում է Յուրմալայում ու առանց խոչընդոտի շրջագայում ամբողջ Եվրոպայում:
Առաջին անգամ Շեստակովը կալանավորվել է դեռ 1974թ. խուլիգանության ու կռվի պատճառով: Նա ազատության մեջ մեկուկես տարուց ավելի չի գտնվել:
