ՎիվաՍել-ՄՏՍ-ը դարձել է աշխարհում հայտնի մարզիկների մասնակցությամբ Երևանում` Հանրապետության հրապարակում անցկացված, այս տարվա ամենադիտարժան իրադարձության`Red Bull X Fighters Jams մոտոմրցույթի գլխավոր հովանավորը:
X Fighters Jams մոտոմրցույթը, որն առ այսօր էքստրեմալ սպորտաձևերի սիրահար հայաստանցի հանդիսատեսին հասանելի է եղել միայն հեռուստատեսությամբ, կազմակերպվել է ՎիվաՍել-ՄՏՍ-ի գլխավոր հովանավորությամբ և ուղիղ հեռարձակվել ՎիվաՍել-ՄՏՍ-ի առցանց տեսաալիքով:
Ապշեցուցիչ հնարքներով հարուստ շոուին մասնակցեցին այս սպորտաձևում համաշխարհային համբավ վայելող մարզիկներ Ալեքսեյ Կոլեսնիկովը (Ռուսաստան), Դանիել Բոդինը (Շվեդիա), Կիրիլ Գավրիլովը (Ռուսաստան) և Ալեքսեյ Այսինը (Ռուսաստան):
Մարզիկների հնարքներն անցկացվեցին երեք մետր բարձրությամբ հատուկ ցատկահարթակի վրա: Մոտոէքստրեմալները ցուցադրեցին իրենց անհավանական հնարքները` գետնից ավելի քան 10 մետր բարձրության վրա` միաժամանակ բացարձակ ճշգրտությամբ կառավարելով 100 կգ քաշ ունեցող մոտոցիկլը:
Ռուսաստանում FMX հիմնադիրը 28-ամյա մարզիկ Ալեքսեյ Կոլեսնիկովն է, որն առաջինը Ռուսաստանում կատարել է backflip հնարքը: Այսօր Ալեքսեյ Կոլեսնիկովը կամ «Կալաշնիկովը», ինչպես նրան գործընկերներն են կոչում, աշխարհի լավագույն քսան մարզիկներից մեկն է:
