Գերմանիայի դաշնային հետախուզության վարչության գնահատմամբ` Աֆղանստանում իրավիճակը շատ ավելի վատ է, քան գնահատում է Գերմանիայի կառավարությունը: Գերմանական հատուկ ծառայությունների կարծիքով` աֆղանական զինված ուժերի կողմից ՆԱՏՕ-ի ռազմուժի նկատմամբ հարձակումների քանակը կավելանա:
Աֆղանստանում իրավիճակը ծայրահեղ գնահատող փորձագետների կարծիքով` 2014 թ. միջազգային ISAF ուժերի դուրսբերումից հետո երկրում հարկ կլինի թողնել մինչև 35 000 օտարազգի զինծառայող` առաջին հերթին որպես աֆղանական բանակի հրահանգիչներ, ռազմական մասը` պաշտպանության համար, ինչպես նաև հատուկ նշանակության ջոկատներ` ահաբեկչության դեմ պայքարելու համար:
Գերմանական հետախուզության բաժնի մինչև 2014 թ. իրավիճակի զարգացմանն ուղղված վատ կանխատեսումներում նրանք Աֆղանստանի նախագահ Համիդ Քարզային մեղադրում են, որ նրա ջանքերը կենտրոնացած են բացառապես սեփական իշխանության պահպանման վրա, այն դեպքում, երբ քիչ ուշադրություն է դարձվում կոռուպցիայի դեմ պայքարին, հաղորդում է DW.de-ն:
Ըստ նրանց` Քարզայը փորձում է իր ավագ եղբորը` Աբդուլա Քայումային, նախագահի թեկնածու առաջադրել 2014-ին սպասվող նախագահական ընտրություններում: Այսինքն` պետության ղեկավարը մտահոգված է ընտանեկան շահերի և իշխանության պահպանման հարցով: Կոռուպցիայի, կաշառակերության և խնամիության պահպանման հակումները դեռևս շարունակում են պահպանվել այդ երկրում, և դրանք հետագայում կհանգեցնեն Աֆղանստանի զարգացումը արգելակելուն, նշված է գերմանական հատուկ ծառայությունների հաշվետվության մեջ:
11 տարում Աֆղանստանում հակաահաբեկչական գործողությունների ժամանակ զոհվել է ԱՄՆ 2000 զինծառայող: