Մանկական մահացության դեպքերը միջին եկամտով երկրներում վերջին երկու տասնամյակի ընթացքում կրճատվել են: Այս մասին հաղորդում է ՅՈՒՆԻՍԵՖ-ը:
Կազմակերպության հաշվետվության համաձայն՝ ցածր և բարձր եկամտով երկրներում զգալի հաջողություն է գրանցվել:
Մանկական մահացության դեպքերը կրճատվել են ավելի քան մեկ երրորդով:
Ըստ զեկույցի՝ մինչև 5 տարեկանը մահացող երեխաների թիվը 2011-ին կրճատվել է 6,9 մլն-ով:
2010-ին աշխարհում մահացել է 5-ից ցածր տարիքի 7,6 մլն երեխա: Ընդհանուր առմամբ աշխարհում օրական մահանում է 19 հազար, ընդ որում` այնպիսի պատճառներով, որոնք հնարավոր է կանխարգելել:
ՅՈՒՆԻՍԵՖ-ն ուշադրություն է հրավիրում այն հիվանդությունների վրա, որոնք ավելի շատ երեխաների կյանք են խլում: Այսպես. թոքերի բորբոքումից մահանում է մինչև 5 տարեկան երեխաների 18%-ը, դիարեայից` 11%-ը: Ինչպես ասվում է զեկույցում՝ երկրի աշխարհաքաղաքական դիրքն ու տնտեսական վիճակը չպետք է խոչընդոտ լինեն երեխաների մահացության նվազման համար:
Երեխաների մահացության ամենաշատ դեպքերը տեղի են ունենում Կոնգոյում, Հնդկաստանում, Նիգերիայում և Պակիստանում:
