Վենեսուելական Բարինաս նահանգում նախագահական ընտրություններից մեկ շաբաթ առաջ սպանվել են տեղի երկու ակտիվիստներ, որոնք աջակցում են միավորված ընդդիմության թեկնածու Էնրիկե Կապրիլեսին:
Ինչպես հայտարարել է ընդդիմադիր «Արդարությունը ամեն ինչից վեր է» կուսակցությունը` ընդդիմադիրները գնդակահարվել են անցնող բեռնատարի միջից:
Կուսակցության մամլո ծառայությունից հայտնել են, որ զոհվածներից մեկը նրանց համակուսակից Գիսոն Վալերոն էր, մյուսը` Օմար Ֆերնանդեսը, որն աջակցում էր կուսակցությանը որպես անկախ թեկնածու: Ականատեսների վկայությամբ ` այդ բեռնատարը կարող էր պատկանել կամ տեղի պետական նավթային PDVSA ընկերությանը, կամ քաղաքապետարանին:
Վենեսուելայի պաշտոնական իշխանությունները դեռևս հանդես չեն եկել մեկնաբանություններով:
Հիշեցնենք, որ Վենեսուելայում նախագահական ընտրությունները կայանալու են հոկտեմբերի 7-ին:
