Ինչպես ցույց են տալիս ուսումնասիրությունները, ժամանակակից երգերը ավելի դանդաղ ու տխուր են, քան անցած տարիներինը, գրում է Daily Mail-ը:
Գիտնականները, ովքեր վերլուծել են 1965-2009 թվականների ավելի քան հազար հիթեր, ենթադրում են, որ ժամանակակից երգերը գրեթե դադարել են բարձրացնել տրամադրությունը: Դրանց հեղինակները ձգտում են իրենց ստեղծագործություններին լուրջ և բարդ կատարողականություն հաղորդել, իսկ այդ երգերը լսողներն իրենց փորձառու ու նրբագեղ են կարծում: Արդյունքում, այնպիսի կոմպոզիցիաներ, ինչպիսիք են «Բիթլզի» Help!-ը կամ She Loves You-ն հազվադեպ են պատահում:
Փոփ երաժշտության ժամանակակից կատարումները, որպես կանոն, դանդաղ են դառնում, դրանց ռիթմը կազմում է րոպեում 100 զարկ, այն դեպքում, երբ 60-ականների երգերում զարկերը րոպեում 116 են: Բացի այդ, այժմյան երգերի միջին տևողությունն ավելացել է երկուսից չորս րոպեով:
Գիտնականների կարծիքով՝ ճաշակի փոփոխությունը բերել է նրան, որ օրինակ «Աբբա» խմբի կողմից կատարված Waterloo հիթը ժամանակակից ունկնդիրներին նաիվ և մի քիչ մանկական է թվում:
Ժամանակակից միայն մի երգչուհի՝ Լեդի Գագան է, որ դիմանում է քննադատների գնահատականներին և արագ տեմպով ու մաժորային տոնայնությամբ երգեր ձայնագրում:
Անցկացված ուսումնասիրությունների արդյունքները ցույց են տվել, որ ժամանակակից փոփ երաժշտությունը ավելի բարձր է հնչում, զուրկ է զգացմունքներից և ավելի անճաշակ է, քան 50-60-ական թվականների երաժշտությունը:
