Pussy Riot պանկ խմբի ազատազրկման դատապարտված աղջիկները՝ Նադեժդա Տոլոկոննիկովան, Մարիա Ալյոխինան և Եկատերինա Սամուցևիչը ուղերձ են հղել, որի տեքստը մեջբերում է «Էխո Մոսկվի» ռադիոկայանը: Դրանում առաջարկվում է նրանց փաստաբաններ Վիոլետ Վոլկովին, Մարկ Դեյգինին և Նիկոլայ Պոլոզովին ներկայացնել Խաղաղության Նոբելյան մրցանակի:
«Շատերն ասում են, որ մեր փաստաբաններն ընդհանրապես փաստաբաններ չեն, այլ քաղաքական գործիչներ: Դա այդպես չէ: Քաղաքական գործում այլ կերպ չի կարող լինել: Վիոլետ Վոլկովը, Մարկ Դեյգինը և Նիկոլայ Պոլոզովը, պաշտպանելով մեզ, դա արել են բացահայտ՝ բարձրաձայնելով Pussi Riot-ի դեմ ամոթալի գործընթացի յուրաքանչյուր պահ: Նրանք դա արել են՝ չնայած ռիսկերին՝ ինչպես հեղինակության, այնպես էլ անվտանգության հետ կապված: Մենք կցանկանային նրանց առաջադրել Խաղաղության Նոբելյան մրցանակի, քանի որ, առանց նրանց օգնության, հնարավոր չէր լինի միջազգային հանրությանը ցույց տալ մեր երկրի դատական համակարգը: Դատական համակարգ, որից ամեն ժամ տուժում են հազարավոր մարդիկ»,- ասվում է ուղերձում:
Աղջիկները կոչ են անում իրենց ընկերներին և համախոհներին, աշխարհի ազատ երկրների խորհրդարանների պատգամավորներին և մշակութային գործիչներին աջակցել նրանց Նոբելյան մրցանակի առաջադրման գործում:
Հիշեցնենք. օգոստոսի 17-ին Մոսկվային Խամովնիչեսկի դատարանը Pussy Riot խմբի երեք մասնակիցներին դատապարտեց 2 տարվա ազատազրկման: