Աստանայում ՌԴ, ԱՄՆ և Ֆրանսիայի նախագահները կարող են Հայաստանին և Ադրբեջանին ղարաբաղյան հակամարտության կարգավորման հարցում «Ճանապարհային քարտեզ» առաջարկել։ Այս կարծիքին է Լոմոնոսովի անվան Մոսկվայի պետական համալսարանի հետխորհրդային տարածքում հասարակական-քաղաքական գործընթացների հետազոտման տեղեկատվական-վերլուծական կենտրոնի գլխավոր տնօրեն Ալեքսեյ Վլասովը` ադրբեջանական Trend գործակալությանը տված հարցազրույցում։ «Հակամարտող կողմերն առաջ շարժվեցին հումանիտար ոլորտում, այժմ հարկավոր է առաջ շարժվել տարածքային եւ ուժի չկիրառման հարցերում։ Այս թեմաները ԼՂ-ի հարցի կարգավորման հիմնասյունն են»,-ասել է քաղաքագետը։ Նրա խոսքերով՝ Աստանայում 2011թ. համար կամուրջ պետք է ստեղծվի, եւ ընդհանուր օրենքներն ու հռչակագրերը պետք է փոխվեն կոնկրետ որոշումներով։
