Իսպանիայում այսօր նշվում է Տապասի (գինու կամ գարեջրի հետ մատուցվող սառը կամ տաք խորտիկ, ուտեստ) միջազգային օրը, որի ժամանակ ցանկացողները կարող են փորձել իսպանական այս հայտնի ուտեստի տարատեսակները:
Տոնը նշվելու է իսպանական 30 քաղաքներում, մասնավորապես` Մադրիդում, Բարսելոնայում, Բենիդորմում, Լաս-Պալմասում, Բիլբաոյում, Կորդովայում, Գրանադայում, Մուրսիում և այլուր: Այս մասին հաղորդում է Travel-ը:
Տապասը (իսպաներեն tapa նշանակում է կափարիչ) իսպանական խոհանոցի անբաժանելի մասն է. դա ցանկացած փոքր ուտեստն է, որը մատուցվում է գարեջրի կամ գինու հետ: Այն կարող է լինել չիպս, ձիթապտուղ կամ առանձին պատրաստված փոքրիկ տաք ուտեստ:
