«Մանչեսթեր Յունայթեդ»-ը քաղաքային իշխանություններից թույլտվություն է ստացել տեղադրելու թիմի գլխավոր մարզիչ Ալեքս Ֆերգյուսոնի քանդակը: Սպասվում է, որ 3 մ բարձրություն ունեցող արձանը կտեղադրվի «Օլդ Թրաֆորդ» մարզադաշտի հյուսիսային տրիբունայից ոչ հեռու: Հիշեցնենք, որ վերջինս անվանակոչվել է Ալեքս Ֆերգյուսոնի անվամբ:
Արձանն իր ոճով նման կլինի Մեթ Բասբիի և «Սուրբ երրորդության» քանդակներին: Ճարտարապետի մտահղացմամբ` հանրահայտ շոտլանդացու աջ ձեռքում գնդակ կլինի:







































