Այսօր ռուսական Forbes ամսագիրը հրապարակել է Ռուսաստանում գործող այն գործարարների ցուցակը, որոնք ամենաշատն են վաստակում իրենց անշարժ գույքի շահագործումից:
Ըստ այդ վարկանիշային ցուցակի` առաջին հորիզոնականում է ադրբեջանցի Արաս Ագալարովը, որին է պատկանում «Կրոկուս» խանութների ցանցը: Նա անցած տարի ստացել է մոտ 550 մլն դոլար եկամուտ իրեն պատկանող տարածքների վարձակալությունից: Տեղեկացնենք, որ Արաս Ագալարովի որդին ամուսնացած է Իլհամ Ալիևի դստեր հետ:
Երկրորդ հորիզոնականում են Զախար Իրլիևը և Գոդ Նիսանովը, որոնց պատկանում է «Կիևսկայա պլոշչադ» խումբը, որի մեջ են մտնում մի քանի առևտրի կենտրոններ` «Ուկրաինա», «Սլավյանսկայա»: Նրանց ամենամյա եկամուտը կազմում է մոտ 520 մլն դոլար:
Երրորդ տեղում է գտնվում Սերժ Սարգսյանի աշխատակազմի ղեկավար Կարեն Կարապետյանի եղբայրը` Սամվել Կարապետյանը, որին պատկանում է «Տաշիր» հոլդինգը: Անցած տարի այդ ընկերությունը անշարժ գույքի շահագործումից ստացել է 410 մլն դոլար:
