Իրանական Fars News լրատվական գործակալության փոխանցմամբ՝ Իրանի առողջապահության նախարարության վերջին տվյալների համաձայն, Իրանում ավելի քան երկու միլիոն քաղաքացի մշտապես գործածում է թմրանյութ, որոնցից 800,000-ը՝ ծանր թմրանյութեր:
Նշվում է, որ 2007 թվականին Իրանում մշտական թմրանյութ գործածողների թիվը եղել է մոտ 1.2 միլիոն մարդ: Եվ քանի որ թմրամոլների քանակը մեծացել է, հետևաբար ավելացած կլինի նաև ծանր թմրանյութեր գործածողների քանակը: Հունիսին Իրանի աշխատանքի և սոցիալական պաշտպանության փոխնախարար Աբդուլլահ Էմադին հայտարարել է, որ 8 միլիոն իրանցիներ ունեն թմրանյութերի հետ կապված խնդիրներ:
Ներկայումս Իրանում գործում է հակաթմրանյութային աշխատանքային երկու ճամբարներ: Պլանավորված է երկրում բացվել ևս 5-7 այդպիսի ճամբար: