Ադրբեջանական APA լրատվական գործակալության փոխանցմամբ՝ այսօր Անկարայում մեկնարկել են «Հավիտենականություն 2012» հրամանատարա-շտաբային վարժանքները, որոնց մասնակցում են Թուրքիայի, Վրաստանի ու Ադրբեջանի զինվորականները:
Թուրքիայի զինված ուժերի գլխավոր շտաբը հայտարարել է, որ այդ վարժանքները տևելու են մինչև սեպտեմբերի 28-ը: Թուրքական կողմից դրանց մասնակցում է 19 մարդ՝ ներառյալ BOTAŞ-ի երկու ներկայացուցիչ: Այդ վարժանքներն անցկացվում են ամեն տարի հերթականորեն՝ այդ երեք երկրներից մեկում:
Վարժանքներն ուղղված են խողովակաշարերի պաշտպանությանը: Զինված ուժերից բացի, վարժանքներին մասնակցում են երեք երկրների՝ խողովակաշարերի պաշտպանությամբ զբաղվող այլ կառույցների ներկայացուցիչներ:
