Իրանը Siemens ընկերությանը մեղադրել է ատոմային արտադրանքի օբյեկտների սաբոտաժի համար, որը կարող էր հանգեցնել անկանխատեսելի հետևանքների:
Երկրի Անվտանգության կոմիտեի ղեկավար Ալեդդին Բուրուժերդիի խոսքով` գերմանական կոնցեռնը փոքր պայթուցիկ հարմարանքներ է տեղադրել սարքավորումների մեջ, որոնք իսլամական հանրապետությունը ձեռք էր բերել միջուկային հետազոտությունների համար, գրում է Associated Press-ը:
«Սարքավորումը պետք է պայթեր աշխատանքը սկսելուց անմիջապես հետո, ինչը կհանգեցներ մի շարք համակարգերի խափանմանը: Բայց մեր փորձագետների իմաստությունը և գիտելիքները թույլ տվեցին բացահայտել թշնամական դավադրությունը»,- ասել է Բուրուժերդին: Նա չի հստակեցրել, թե Թեհրանն ինչպես է ձեռք բերել գերմանական արտադրության միջուկային սարքավորում:
Siemens ընկերությունը ժխտել է բոլոր մեղադրանքները և հայտարարել, որ որևէ կապ չունի իրանական միջուկային ծրագրի հետ: