ԱՄՆ Կոնգրեսն էլեկտրամոբիլների սուբսիդավորումն անարդյունավետ է համարել: Ինչպես հայտնում է Reuters-ը, այս մասին ասված է կոնգրեսի բյուջետային հանձնաժողովի զեկույցում:
Հիբրիդային էլեկտրամոբիլներ և ավտոմեքենաներ արտադրելու և գնելու նպատակով ԱՄՆ կառավարությունը մինչև 2019 թվական նախատեսում է 7,5 մլրդ դոլար ծախսել: Ըստ որում, յուրաքանչյուր ավտոմեքենայի սուբսիդավորման ծավալը կարող է կազմել մինչև 7,5 հազար դոլար:
Ինչպես նշված է հանձնաժողովի զեկույցում, այսօրինակ ծախսերը վառելիքի լուրջ խնայողության չեն բերի:
2012 թվականի հունվարից մինչև օգոստոս ԱՄՆ-ում ձեռք են բերվել ավելի քան 13 հազար Chevrolet Volt և 4228 Nissan Leaf էլեկտրամոբիլներ:
