Ֆրանսիայի իշխանությունները արգելել են «Մուսուլմանների անմեղությունը» ֆիլմի դեմ բողոքի ակցիայի անցկացումը, որը նախատեսված էր շաբաթ օրը՝ Փարիզի Մեծ մզկիթի դիմաց: Այս մասին հայտնում է AFP-ն ՝հղում անելով Փարիզի ոստիկանության աղբյուրին:
Երեքշաբթի Փարիզի ոստիկանության գլխավոր վարչությունում պաշտոնական հայց է ստացվել ակցիայի անցկացման վերաբերյալ:
«Եթե կազմակերպիչները ցույցն անցկացնեն, ապա կբախվեն 700 եվրոյով տուգանվելու և 6 ամսով ազատազրկվելու ռիսկին»,-ասել է France Presse-ի զրուցակիցը:
Այս իրադարձությունների ֆոնին երեկ ֆրանսիական Charlie Hebdo ամսագիրը հրապարակել է Մուհամմեդ մարգարեի ծաղրանկարները:
