«Մուսուլմանների անմեղությունը» ֆիլմիում նկարահանված դերասանուհին դատական հայց է ներկայացրել ֆիլմի ստեղծողի դեմ` նրան մեղադրելով խարդախության և խաբեության մեջ: Սինդի Լի Գարսիան նաև փորձում է հասնել սկանդալային տեսանյութը YouTube-ից հեռացնելուն,- հաղորդում է BBC-ի ռուսական ծառայությունը:
Լոս Անջելեսի դատարան ներկայացրած հայցում դերասանուհին ասել է, որ ֆիլմի պրոդյուսեր Նակուլա Բասիլի Նակուլան իրեն խաբել է` ասելով, որ դա արկածային ֆիլմ է լինելու, որի գործողությունները տեղի են ունենալու անապատում:
Նկարահանող խմբի անդամներն ավելի վաղ հայտարարել էին, որ ֆիլմի հեղինակներն օգտագործել են իրենց` չհայտնելով իրենց իրական մտադրությունները: Այն պահին, երբ ֆիլմում հնչում է Մուհամմեդի անունը, դերասանները կամ չեն երևում կադրում, կամ նրանց արտասանությունը չի համապատասխանում ձայնին:
«Մուսուլմանների անմեղությունը» ֆիլմի համացանցում հայտնվելուց հետո մի շարք մուսուլմանական երկրներում բողոքի ցույցեր են սկսվել:
Ֆիլմի ստեղծող 55-ամյա Նակուլան և նրա ընտանիքը լքել են իրենց Կալիֆոռնիայի բնակարանն ու ներկայումս թաքնվում են:
