«Իրենց համակարգում էլ, իրենց մեջից էլ խելոքները չեն գալիս իշխանության»,- այսօր լրագրողների հետ հանդիպման ժամանակ ասաց ՀՀ նախկին վարչապետ Հրանտ Բագրատյանը` նշելով, որ իշխանությունների մեջ էլ կան մարդիկ, որոնք ունեն լուրջ մասնագիտական պատրաստվածություն:
Նա սկզբում խուսափեց կենկրետ անուններ նշելուց. «հիմա եթե ես ասեմ, այդ մարդկանց հետևից կընկնեն, Տիգրան Սարգսյանին էլ նման մահանա է պետք»: Սակայն երբ լրագրողները համառեցին, Հ. Բագրատյանը մի քանի անուն այնուամենայնիվ տվեց:
«Ես ճանաչել եմ իրենց մեջ խելոք մարդկանց, որոնք, իմ կարծիքով, թողել գնացել են, հիմա եթե իրենց հարցնեք, երևի կխուսափեն պատասխանելուց: Օրինակ` Արզումանյան Գագիկը` «Մանես վալեսի», Աղասի Մկրտչյանը` չգիտեմ հիմա որտեղ է, մի ժամանակ ՀԲ-ում էր աշխատում, Էդուարդ Սանդոյանը` նախկին ֆինանսների նախարար, (ես վարչապետեր չեմ ասում, որ հանկարծ որևէ մեկը չնեղանա), Տիգրան Խաչատրյանը: Արտադրության մեջ հաստոցներ կան, որ պտտվում-պտտվում բռակը դուրս են քցում: Սրանց մոտ հակառակն է` բռակը պահում են, որակը դուրս քցում»,- ասաց Հ. Բագրատյանը:
Մեր բոլոր տեսանյութերը կարող եք դիտել «ՏԵսանյութ» բաժնում` http://1in.am/arm/more_mvideo.html
