Սաուդյան Արաբիան մերժել է 40 երկրների խնդրանքը՝ ավելացնել հաջի գնացողների քվոտան իրենց քաղաքացիների համար՝ մուսուլմանների սրբազան Մեքքա քաղաքում իրականացվող Արգելված մզկիթի վերակառուցման լայնածավալ աշխատանքների պատճառով: Այս մասին հաղորդում է Interfax-ը՝ վկայակոչելով սաուդյան Al-Watan թերթը:
«Հաջի նախարարությունը ներողություն է խնդրում բոլոր երկրներից, որոնք խնդրել են այս տարի ավելացնել ուխտավորների թիվը: Մեքքայի և Մեդինայի վերակառուցման լայնածավալ ծրագրերի պատճառով դժվար կլիներ ընդունել ավելի շատ մարդ»,- ասվում է Սաուդյան Արաբիայի հաջի հարցերով նախարար Բենդեր բեն Մուհամմադ Ալ-Հաջարի հաղորդագրության մեջ:
Քվոտաների համակարգը սահմանվել է այն բանից հետո, երբ 1987թ. իրանցի ուխտավորները զանգվածային հակաիսրայելական և հակաամերիկյան բողոքի ակցիաներ անցկացրին, ինչի հետևանքով զոհվեց ավելի քան 400 մարդ, այդ թվում` 275 իրանցի:
Ավելի վաղ հաղորդվում էր, որ Սաուդյան իշխանությունները չեն ստորագրել հաջի թույլտվությունը սիրիացի ուխտավորների համար:
Հաջը համարվում է իսլամի 5 հիմնասյուներից մեկը, և յուրաքանչյուր հավատացյալ մուսուլման պարտավոր է կյանքում գոնե մեկ անգամ հաջ կատարել:
