Ֆրանս-գերմանական European Aeronautic Defense & Space (EADS) աերոտիեզերական կոնցեռնի և բրիտանական BAE Systems-ի միավորումը կարող է ստանալ Airbus անունը: Այսպիսի առաջարկով հանդես է եկել EADS-ը, որը եվրոպական ավիաարտադրողի մայր ընկերությունն է, գրում է The Financial Times թերթը:
BAE-ն EADS-ի նախաձեռնությանը կողմ չի արտահայտվել: Բրիտանական ընկերությունում համարում են, որ Airbus անունը կարող է բացասաբար ընդունվել ԱՄՆ-ի շուկայում, քանի որ եվրոպական ավիաընկերությունը Boeing-ի հիմնական մրցակիցն է:
Reuters-ի փոխանցմամբ` ԱՄՆ-ի ռազմաօդային ուժերի պետքարտուղար Մայքլ Դոնլին հայտարարել է, որ ամերիկյան կողմին ավելի շատ տեղեկություն է անհրաժեշտ`հասկանալու համար, թե BAE-ի և EADS-ի միավորումն ինչպես կազդի շուկայի վրա: Նա նաև նշել է, որ ԱՄՆ-ի կառավարությունը նախկինում էլ է ռազմական պայմանագրերով աշխատել արտերկրյա ընկերությունների հետ, սակայն յուրաքանչյուր այդպիսի համաձայնություն անհատաբար է քննարկվել:
EADS-իև BAE-ի միավորման որոշումը հայտնի է դարձել սեպտեմբերի 12-ին: Գործարքին դեռ պետք է համաձայնություն տան Մեծ Բրիտանիայի, Գերմանիայի և Ֆրանսիայի իշխանությունները:
