Թուրքական Haberler.com կայքի փոխանցմամբ՝ Թուրքիայում ահաբեկչական հռչակված ու արգելված «Քրդստանի աշխատավորական» կուսակցության (PKK) զինյալներն այսօր Բինգյոլ (Բյուրակն)-Մուշ ճանապարհին հրթիռակոծել են թուրքական ռազմական ավտոշարասյունը, ինչի հետևանքով վերջին տվյալներով զոհվել է 7 և վիրավորվել է 63 զինծառայող:
Հարձակումից հետո Դիարբեքիրի իրենց բազայից օդ են բարձրացել F-16 տիպի 14 մարտական ինքնաթիռներ և սկսել հարվածներ հասցնել Բինգյոլի շրջանում գտնվող PKK-ի ենթադրյալ ճամբարներին ու քուրդ զինյալների ապաստանած վայրերին:
Իսկ Թուրքիայի վարչապետ Ռեջեփ Էրդողանը PKK-ի իրականացրած հարձակումից հետո այսօր հանդիպելու է գլխավոր շտաբի պետ, գեներալ Նեջդեթ Օզելի հետ՝ քննարկելու համար PKK-ի դեմ պայքարի հարցը:
