Մեծ Բրիտանիայում հիշողության կորստով տառապող տարեցների համար փողոց են կառուցել: Տեղի փաբը, ինքնատիպ սրճարանն ու բանջարեղենի խանութը` ամեն ինչ հիշեցնում է 1950-ական թվականները: Այս մասին գրում է Prian.ru-ն: Այդ ճանապարհը առանձնահատուկ է ոչ միայն նրանով, որ առաջացնում է կարոտախտ, այլև նրանով, որ շատ հարմարավետ է մեծահասակների համար: Հույս կա, որ այդ փողոցը նրանց կօգնի հիշել անցյալը:
Ճարտարապետները ուսումնասիրել են 1950-ականների փողոցները՝ առավելապես ճիշտ կառուցելու համար նորը՝ չխախտելով խանութների ու փաբերի դիզայնը, որոնց համար օբյեկտները ձեռք են բերվել բարեգործական խանութներից, շուկաներից և օնլայն աճուրդներից:
Հիշեցնենք. նմանատիպ նախագիծ է իրականացվում նաև Շվեյցարիայում: Այնտեղ տարեց մարդկանց համար մի ողջ ավան է կառուցվում: Ի դեպ, Նիդերլանդներում էլ արդեն գոյություն ունի «Ալցհեյմերի գյուղը»:
